Tiphine hi mivuyelo ya rihanyo bya Xiswekiwa xa Matluka ya Guxe

Eka nkandziyiso lowu, hi languta ngopfu Guxe ra ndhavuko ra Musweki wa Xiphurofexinali Lebo Phala (mandhandhi kumbe ximilana xa guxe) xiswekiwa xa matluka. Hi ku ya hi musweki loyi, swakudya leswi swi khome nkoka wa mfuwo endzeni ka vaaki va le Vhenda, laha hi bumabumeriwaka hi ndlela ya ndhavuko ku pfuneta vamanana eka ku hola eka ntshikelelo wa miri wa ku veleka.

Delele (Tshivhenḓa), ri tlhela ri vitaniwa thelele hi Sepedi na guxe hi Xitsonga. Ku vuriwa leswaku muroho wa mandhandhi wu na tiantiokisidente leti pfunaka, mapfimpfi, tivhitamini na timinerali.

Xiswekiwa xa Matluka ya Guxe 

Swichelachelana:

• Xibya lexikulu xa matluka ya mandhandhi.
• Tamatisi ri1 (leri tsemeleriweke).
• Nyala yi1 ya matluka ya rihlaza (leyi tsemeleriweke).
• Malepula ma3 ya mafurha yo sweka.
• Munyu leswaku swi va na nantswo.
• Soda yitsongo.
• Tikhapi ti 2 ta mati. 

Maendlelo:

• Virisa mati epotweni, chela munyu na soda.
• Hlantswa u tlhela u tsemelela matluka ya mandhandhi hi ku olova u ma chela eka mati yo vila.
• Sweka, u hakasela kwalomu ka 10 ra timinete – mati ya fanele ku phya swinene kambe u minya lama nga sala endzhaku ka 10 ra timinete.
• Eka poto kumbe pani rin’wana, hisa mafurha yo sweka. Chela matamatisi, viriviri leri tsemeleriweke (hi ku swi tsakela) na, tinyala ta matluka ya rihlaza.
• Chela matluka lawa ya swekiweke kutani u sweka swin’we kufikelaloko hinkwaswo swi swekiwa hinkwaswo (ku ringana kwalomu ka 5 wa timinete).

*U nga phamela swakudya leswi na xitachi xin'wana na xin'wana na swakunwa leswi u swi hlawulaka.

Mayelana na Musweki wa Xiphurofexinali: 

Phala loyi a velekiweke no kurisiwa emugangeni wa Mohlaletse eka Sekhukhune, Limpopo, u na Dipuloma ya Food Preparation and Cooking kusuka eka Capsicum Culinary Studio.

Hi ntokoto wa yena wa ku sweka, u tirhana na swivangelo swa rimitsu swa swiphiqo leswi phikelelaka leswi fambelanaka na mikhuva ya madyelo leyi nga riki na rihanyo.

“Vakokwa va vakokwana va hina a va ri na ku twisisa loku heleleke ka ku hanya hi ku ringanisela na misava ya ntumbuluko, naswona hi kusuka eka ntwisiso wa leswaku hi dinga ku lemuka no sungula ku tlangela swakudya swa xintu,” a vula.

I musunguri tlhelo muswekinkulu wa xiphurofexinali eka HL Culinary, leyi tirhaka ngopfu eka mitokoto ya xintu ya swakudya na swakunwa swa kahle. Nakambe i mutekaswifaniso wa xiphurofexinali, mutekativhidiyo,  tlhelo muvoni loyi a hisekelaka ku havexerisa matimba eka vavasati na ku tlakusa ndzhaka na mfuwo wa Afrika.