Incwadi
Sawubona Vuk’uzenzele,
Bengengithanda ukubekisa isikhalo sokwenza iKhadi Likamazisi.
Ozithobayo,
Olwami Mkrola
Impendulo
Sawubona, Olwami,
Siyabonga ngokuthi ubhalele iVuk’uzenzele, iphephandaba likahulumeni elikhishwa nguPhiko Lukahulumeni Lwezokuxhumana Nokuhlinzekwa Kolwazi (i-GCIS).
Ukubekisa isikhala sokuyokwenza iKhadi Likamazisi, sicela ulandele lezi zinyathelo:
- Vakashela uHlelo Lokubekisa Isikhala Egatsheni loMnyango Wezasekhaya (i-BABS) ku-https://services.dha.gov.za/#/authenticate/identity
- Ngena usebenzisa inombolo kaMazisi wakho waseNingizimu Afrika noma imininingwane yephasiphothi.
- Faka igama lakho, isibongo, nenombolo yokuxhumana. Ungayifaka ne-imeyili yakho.
- Khetha insizakalo ye- 'identity card'.
- Khetha isifundazwe, idolobha, negatsha loMnyango Wezasekhaya olithandayo.
- Cofa 'select timeslots' bese ukhetha usuku nesikhathi esitholakalayo.
- Buyekeza isiqinisekiso, bese ucofa 'confirm' ukuqedela ukubekisa isikhala sakho.
Ozithobayo,
Vuk’uzenzele
Email
Facebook
Twitter
WhatsApp