LEKWALO
Dumela Morulaganyi wa Vuk’uzenzele,
Ke na le bothata jwa go itshiela mmogo le go dirisa diritibatsi go feta tekano. Nka leba kae mo Eldorado Park go bona thuso gore ke tswe mo go diriseng dilo tseno?
Ke a leboga
Tlhoka'ina
Karabo
Dumela Tlhoka'ina,
Re leboga go tlhabeng mokgosi ga gago go kopa thuso mo go ba lekwalodikgang la rona la Vuk’uzenzele. Re tsaya tšhono eno go leboga go ipeteng sebete ga gago mo go lereng dikgato tsa go amogela gore o tlhoka thuso go go thusa go tswa mo bothateng jwa go itshiela le jwa go dirisa diritibatsi go feta tekano.
Re le lekwalodikgang re itumelela go go rebolela tshedimosetso mabapi le mekgatlho e le mbedi e o ka e fitlhelelang bonolo e e dirang mo lefelong la Eldorado Park. Go botlhokwa gore o ba etele ka bowena ka namana mme o tle o tshwere ditokomane tse di latelang:
1. Khophi ya gago e e nang le setempe sa go paka boammaruri jwa khopi eo ya lekwaloitshupo kgotsa ya lekwalo la go kganna
2. Lekwalo la bopaki jwa gore o nna kae (sekao, lekwalo la ditshuga kgotsa dituelelo tsa masepala)
3. Lekwalo la boikano la mapodisi le mo go lona o ikanang gore ga o dire (fa e le gore ga o dire).
Mafelo a go latlhisa batho notagi le diritibatsi:
1. Come-Back Mission
Corner of Goud Street and Turf Avenue, Eldorado Park: Mogala – 011 933 1296
Motlhankedi yo a dirang ka batho ba ba tlhokang thuso: Lunga – 060 588 2633
Molaodi wa Lefelo: Monique – 061 411 8219
Dinako tsa go bula le go tswala: Ura ya bo 08:00 mo mosong go fitlha ka ya bo 16:00 maitseboa, Musopologo go fitlha ka Lamatlhatso
2. SANCA
29 Michigan Avenue, Ext. 7, Eldorado Park
Mogala: 011 342 6671
Dinako tsa go bula le go tswala: Ura ya bo 07:30 mo mosong go fitlha ka ya bo 16:00 maitseboa, Musopologo go fitlha ka Labone, ka Labotlhano go tswalelwa ka ura ya bo15:00.
Fa e le gore o tlhoka thuso ka bonako mabapi le go tlogela go dirisa notagi le diritibatsi, o kopiwa gore o ikgolaganye le Mogala wa go tswa Baagi Thuso mo Mathateng a Notagi le Diritibatsi wa Lefapha la Thuso ya Baagi mo go: 0800 12 13 14 kgotsa ka go romela molaetsakhutswe mo go: 32312
Ke a leboga
Vuk’uzenzele