Imbizo yinye, imvume yekushayela yinye, sinyatselo sinye lesiya embili

Written by Sihle Manda

Seipati Mofokeng Le-imbizo lesandza kwenteka ihlanganise ndzawonye hulumende, ema-SETA, kanye nemabhizinisi endzawo kute balungise tinsayeya letibukene nelicembu le-NEET—bantfu labasha abangekho emsebentini, emfundvweni, noma ekuceceshweni. bekasolo afuna tincwadzi takhe tekushayela imoto sikhatsi lesidze. Bekangakhoni kuyikhokhela.

Lomuntfu lomusha loneminyaka lenge-32- budzala waseMeyerton ungulomunye webantfu labasha labebahambele Imbizo Yebhizinisi Nelusha lebeyibanjelwe lapha eMidvaal Christian Centre, umcimbi lebewungeniswe Litiko Letemfundvo Lephakeme Nekucecesha ngekuhlanganyela naMasipala Wendzawo iMidvaal. Lakutfola lapho kwagucula indlela labebuka ngayo tintfo.

Ngekusebentisa Sikhungo saseMidvaal Sekutfutfukisa Emakhono, Mafokeng wabhalisa luhlelo lwetincwadzi tekushayela timoto Ikhodi 10 ngaphandle kwetindleko. Waphindza futsi waphotfula emakhozi lamafisha etekupenda newekuphepha nemphilo, wangeta titifiketi kuCV yakhe yaphambilini lebekukuncane kakhulu labengakukhombisa.

“Angisebenti futsi bengisolomane ngifisa kutfola tincwadzi tami tekushayela sikhatsi lesidze,” kwasho yena. “Nasengitfole lelitfuba, ngajabula kakhulu, ngobe kuyabita kutsatsa tincwadzi tekushayela nangabe ute imalingena. Nyalo sengikhona kufaka ticelo temsebenti wekushayela ngenca yaloku.”

Lembizo ihlanganise ndzawonye titjudeni, lusha lolungasebenti, emabhizinisi endzawo, ema-SETA, ema-ejensi ekutfutfukisa emakhono kanye nematiko ahulumende.

Lobekugcilwe kuko kakhulu kwakulusha lolungasebenti, Imfundvo, nome Kucecesha (i-NEET) licembu, licembu Lisekelandvuna leTemfundvo Lephakeme Nekucecesha Mimi Gondvwe lalichaze ngekutsi linani lalo lingetulu kwetigidzi letine velonkhe.

“Sihlangana ngesikhatsi lapho live laseNingizimu Afrika lichubeka khona kulwa nemazinga lasetulu nalangakavami ekungasebenti kwelusha, kwanyalo eme kulalinganiselwa ku-46%,” kwasho yena njalo Gondwe. Wacela kakhulu bomasipala kutsi bente lokungale kwekucecesha futsi bafake emaciko emisebenti yetandla etindzimeni letilungisa mbamba tidzingo tekuletfwa kwetinsita.

Sikhungo saseMidvaal Sekutfutfukisa Emakhono, lesavulwa nga-2025, singumphumela wekubambisana emkhatsini waMasipala Wendzawo waseMidvaal kanye neHEINEKEN Beverages. Siniketa emaciko emisebenti yetandla kuceceshwa ekusebenteni ngemaphayiphi emanti, kubata, bumeselane, kukhinika tigulumba tetimboni nekushisela emabhayela, kanye nekusebenta njengenkhaba yekutfutfukisa emabhizinisi, kwesekela emabhizinisi lamancane kutsi afinyelele kutfola kuceceshwa nemitfombolusito. Tonkhe tinhlelo timahhala hha, kanye neselekelomali lesinikwako kwesekele labo labatibandzakanyako.

Sodolobha waseMidvaal Alderman Peter Teixeira watsi tinkhundla letifanana nalembizo timcoka kakhulu. “Bantfu labasha labanengi bazuze lokukhulu kuletinhlelo futsi bachubekele embili batakhela ngemphumelelo nekufezekiswa timphilo tabo kanye nemindeni yabo.”

KuMofokeng, sinyatselo lesilandzelako kutfola umsebenti. Nyalo sewunemathulusi ekuwenta.

Kuze utfole lwatiso lolubanti lolumayelana neSikhungo saseMidvaal Sekutfutfukisa Emakhono, vakashela ku: www.midvaal.gov.za

General