Lisubuciko Lelihlanganisiwe Lekuvikela Bugebengu Nebudlova

1. Yini i-ICVPS

Lisubuciko Lelihlanganile Lekuvikela Bugebengu Nebudlova (i-ICVPS) luhlelo lwahulumende loluhlose kukhutsata indlela lehlanganisile yekuvikela lebukane netizatfu letiyinhloko tebugebengu nebudlova. Iphakamisa kutsi kuphepha akusiwo umsebenti we-SAPS yodvwana kepha yemukela kutsi “yindlela yahulumende wonkhe kanye “nemmango wonkhe.”

I-ICVPS isimiswe tinsika letisitfupha, lokunguleti:

Insika 1: Luhlelo Bebulungiswa Lwebugebengu Loluphumelelako: 

lolukhuluma ngekusebenta kahle, kuphendvula kanye nebungcweti bemkhakha webulungiswa bugebengu ekubukaneni netidzingo tebantfu kanye tinkinga mayelana nebugebengu kanye nekuphepha.

Insika 2: Kungenelela Kusenesikhatsi Kuvikela Bugebengu Nebudlova Nekukhutsata Kuphepha: 

Kubukene netindzaba tekuphepha nekuvikela bugebengu nebudlova basebancane, kwenta siciniseko kutsi bantfwana kusukela emalangeni abo ekucala layi-1000 banikwa sicalo lesinemphilo. Futsi naseNkhulisa, bantfwana bayavikelwa futsi bafundziswe kahle, kufaka ekhatsi etikolweni, emimango, etindzawo tekudlala futsi nako konkhe lapho bahamba khona kufanele bakhululeke futsi bative baphephile.

Insika 3: Kwesekela Bahlukunyetwa (Bahlaselwa): 

loku kumayelana nekutsi umdlalindzima ngamunye kufanele akhone njani kumelela labahlaselwe, babanike kwesekelwa nekunakekelwa lokufanele kanye nekulungisa nanome ngutiphi tihibe lokungenteka kutsi ubhekene nato. Kufezekiswa kwelucwebhu lwebahlukunyetwa kubaluleke kakhulu.

Insika 4:  Kwetfulwa kwetinsita ngendlela lephumelelako nalehlanganisile kute kuphephe futsi kuvikelwe budlova: 

Kufanele sihlanganise bonkhe bantfu netinsita letifanele kanye nemitfombolusito yemimango kute batfole lusito labaludzingako kute baphephe. Loku kuphindze kube mayelana nekwetfula tinsita letisisekelo, kwetfula tinhlelo kanye netinsita letilungisa tindzaba tebuphuya, kungasebenti, kungalingani kanye nekukhutsata kutfutfuka kwetenhlalakahle netemnotfo. Kufanele kube nekuhlanganiswa lokufanele.kanye nekubambisana kwabo bonkhe labatsintsekako.

Insika 5: Kuphepha Ngekuhlela Imvelo: 

Kuhlelwa kahle kwetindzawo tetfu tekuhlala kusita ngekutsi. Kukhutsata kuphepha kanye nekuvikela bugebengu nebudlova emmangweni wetfu. Kuhlelwa kwemadolobha nemakhaya kufanele kutsi kucabangele kuphepha kwebantfu, sibonelo, kwenta siciniseko kutsi tibane temigwaco tisebenta kahle kukhanyisa tindzawo kute bantfu bative baphephile, kutsi. emahlatsi kanye netjani lobudze buyasikwa etindzaweni kute kutsi kuvikelwe bugebengu bungenteki kanye nekwakha tindzawo tetemidlalo nekukhibika kanye imihlangano yemmango. Loku kutawukhulisa imiva yekuphepha emkhatsini we nemimango kanye nekwakha simondzawo lesiphephile nalesivumako.

Insika 6:  Ummango Lokhutsele Nemmango Lohlanganyelako: 

uma senta imimango ibe sikhungo sekusungula nekutfutfukisa tinhlelo tekuvikela bugebengu nebudlova, sinika imimango nebantfu bakitsi emandla ekutsi babe banikati bemandla ekuphepha kwabo. Loku kuphindze kusho kutsi kufanele babe yincenye yekuhlela tekuphepha etindzaweni tabo tekuhlala, etindzaweni temisebenti yabo, etikolweni, etitolo (emamoli) kanye nanobe ngukutiphi letinye tindzaw. Kusungulwa kwetakhiwo temmango kunika bameleli bemmango livi kuko konkhe kuhlela nekuvikela tekuphepha netinyatselo tekuvikela emimangweni yabo.

2. Yini indzima yami njengelilunga lemmango kuleLisubuciko Lelihlanisiwe Lekuvikela Bugebengu Nebudlova?

Njengelilunga lemmango, kufanele kutsi ube nesibopho sekutephepha kwakho nasendzaweni lohlala kuyo, kutsi uhlale ucaphele ngaso sonkhe sikhatsi, bika noma ngutiphi tento/tenteko letisolisako emmangweni ummango wakho, yati bomakhelwane bakho kanye nebantfu nemalunga emmango, wakini, yati tinsita letikhona letiniketwa nguhulumende kanye nendzima lokufanele uyidlale mayelana nekufinyelela letinsita, bani ngummeli walabasengotini emmangweni wakini, ungathuli nawubona kwenteka intfo lengakalungi, kuhlukunyetwa, budlova basekhaya, tento tebugebengu, konkhe loku kubike kusiphatsimandla lesifanele. Udzinga kuhlanganyela emisebenti yemmango futsi wabelane ngelwati lolutawusita ekuvikeleni timo kutsi tingandlondlobali tiye emazingeni laphakeme, sibonelo, uma tindzawo letitsite letihamba embili ummango wakho uyatati noma lapho khona emalunga emmango ahlushekiswa ngemacembu emagenge, kufanele ubike letento kulabo labafanele emahhovisi, titeshi temaphoyisa, kanye nebaholi bemmango kute kutsi tilungiswe letinkinga.

3. Luyini luhlelo lwekucala kusebenta kwe-ICVPS?

I-ICVPS iluhlelo lwekucala kusebenta. Icuketse emathebula lachaza tindzima netibopho tangamunye lotsintsekako mayelana nekufezekisa lomsebenti. Kudzinga kuhlela lokuhlangene kanye nekubeka sabelomali kanye nekwakha emakhono lokumele kwenteke kuyo yonkhe imikhakha yahulumende, futsi loku kufaka ekhatsi bonkhe labadlala indzima yahulumende kanye nemmango bahlangana ndzawonye bahlele. Kuphindze futsi kudzinga tinkhomba tekusebenta leticacile futsi kufanele kube netinkhomba tekugadza nekuhlola kute kukalwe kuba ncono kwemazinga ebugebengu.

4. Utawukucinisekisa kanjani kusebenta kwe-ICVPS?

Sitakwenta loku ngekukala umtselela we-ICVPS ngekunciphisa emazinga ebugebengu, kukhulisa lizinga lemisebenti kanye nelentfutfuko etindzaweni tetfu. Sicela i-DPME kutsi ifake tinkhomba letisezingeni lelisetulu kuLuhlakamsebenti Lwelisibuciko Lwethemu Lesemkhatsini (i-MTSF/MTDP) kucinisekisa kusebenta kwe-ICVPS futsi kucinisekiswe kutsi litiko ngalinye liyatiphendvulela. Lamanye emathulusi e-M&E ngekusebentisa Ematiko Etekuphepha Kwemmango Etifundzeni kutawusita kuhlola kutsi bonkhe badlalindzima bayakwenta yini loko lokufanele bakwente kwenta, nekutsi bakwenta ngemphumelelo. Sisungule Likomidi Lelisebentako ezingeni lavelonkhe lelitawuhlanganisa konkhe kuhlela kanye nekubika ngemphumelelo kanye tinsayeya ngetinhloso tekunciphisa leto tinsayeya. Udzinga kuhlanganyela emisebenti yemmango futsi wabelane ngelulwati lokutawusita ekuvikeleni timo ngembi kwekutsi tindlondlobalo tibe sezingeni leliphakeme, sibonelo, nangabe tindzawo letitsite letishisako temisebenti yebugebengu tatiwa endzaweni yakho, ummango, noma lapho khona emalunga emmango atfuswa ngemacembu emagenge, udzinga kubika lemisebenti emahhovisi lafanele, emaphoyisa titeshi, kanye nebaholi bemmango kutsi leto tindzaba tilungiswe.

5. Utawucinisekisa kanjani kutsi ‘wonkhe hulumende kanye nawo wonkhe ummango’ uhlanganyela ku-ICVPS?

Sitawube sisebentisa Imodeli Yekutfutfukisa Sigodzi (i-DDM) njengenkhundla lebalulekile yekufezekisa ngemphumelelo i-ICVPS kanye nekuhlanganisa kuyo yonkhe lemikhakha lemitsatfu yahulumende. Tifundza kanye nahulumende wasekhaya batawucinisekisa kuhambisana kwe-ICVPS ne-DDM. Emahhovisi aboNdvunankulu nawo alindzeleke kutsi adlale indzima lebalulekile mayelana nekuhlanganisa nekuchuba kuphunyeleliswa kwe-ICVPS. Kuphumelela kwale-ICVPS kuncike kakhulu kuwo onkhe emalunga emmango nahulumende ngekufana batibophelele ekusebentisaneni kute kutsi kube nemimango lephephile yabo bonkhe bantfu.