Usifaka njani sicelo sekuvota lokhetsekile: Inkhombandlela yesinyatselo ngesinyatselo

Nangabe wena nome lotsandzekako wakho nihlala nemuntfu lophila nekukhubateka nome batetfwele futsi bafuna kuvakashelwa ekhaya kuze bavote, Ikhomishini Yetelukhetfo (i-IEC) inetinhlelo tekucinisekisa kutsi livi lakho liyevakala. Naku lokufanele kutsi ukwente kuze ufake sicelo sekuvota lokukhetsekile kanye nekutibandzakanya kulolukhetfo lolutako.

Uyafaneleka yini?

Ngembikwekutsi ucale ufake sicelo sakho, cinisekisa kutsi uyahlangabetana yini naletincabekelwane letisisekelo. Ungasifaka sicelo uma ngabe:

• Ungumvoti lobhalisile.
• Unamatisi waseNingizimu Afrika losemtsetfweni (bhukwana welipasi loluhlata lonebhakhodi, likhadimatisi lesimanje, nome Sitifiketi Samasiti Sesikhashana lesise-mtsetfweni).

Ute siciniseko sekutsi ubhalisile? 

Kuze uhlole simo sakho kanye nekutfola siteshi sakho sekuvota, ungakashela ku: elections.org.za, Tfumela nge-SMS inombolo yelipasi lakho ku: 32810, nome ushayele lucingo sikhungo se-IEC ku: 0800 11 8000.

Tinhlobo Tekuvota Letikhetsekile

Ngekwemtsetfo, timbili tizatfu letimcoka letingenta kutsi ufake sicelo sekuvota lokukhetsekile:

1. Kuvakashelwa ekhaya: Nangabe awukhoni kuhamba uye esiteshini sakho sekuvota ngobe ukhubatekile emtimbeni, ukhubatekile, nome ute-tfwele. 
2. Kuvakashela Siteshi Sekuvota: Nangabe uyakhona kuyowuvota esiteshini sakho ngelilanga lelisemtsetfweni lelukhetfo, ungafaka sicelo kutsi uyewuvota lapho ngelusuku loluncunywe phambilini.

Indlela Yekufaka Sicelo

• Nge-inthanethi: Sebentisa i-inthanethi levikelekile kutfola lifomu lesicelo ku: registertovote.elections.org.za.
• Nge-SMS: Tfumela: inombolo yakho yelipasi ku: 32249 (Ucelwa kutsi ucaphele kutsi: loku kucondzene KUPHELA nekuvakashela siteshi sekuvota futsi kubita R1.00 i-SMS).
• Ngekwakho: Vakashela lihhovisi lakho lendzawo le-IEC (hhayi emahhovisi etifundza nome avelonkhe) bese uliletsa ngesandla lifomu MEC 35. Nanome emafomu kufanele kutsi aletfwe ngesandla, lomunye angakuletsela lona egameni lakho.

Kwentekani-ke lokulandzelako?

Uma ngabe sicelo sakho sesisetjentiwe, utawutfola i-SMS lekwatisa mayelana nemphumela. Ungaphindza futsi usicaphele simo sesicelo sakho ngekusebentisa iwebhusayithi ye-IEC.

Khumbula, kuvota ngekuvota lokukhetsekile kucinisekisa kutsi wonkhe umuntfu losakhamuti akukhatsalekile simo sakhe semtimba sinjani nome kuhleleka, angasebentisa lilungelo lakhe lentsandvo yelinyenti.

Lolwatiso luniketwe yi-IEC.

Bewati-nje: 

Imphelasontfo yekubhalisa kwebavoti ihlelwe kutsi kube ngumhla tinge-20 kuya kumhla tinge-21 Inhlaba 2026, i-IEC igcugcutela labo labafanelekile kutsi bavote kutsi bahlole lapho babhalise kuvota khona kwanyalo kutsi bavakashele ku: www.elections.org.za