Luhambo loludze lwaMnyandu loluya ekubeni nelidvumela lwagcama eMiklomelweni Yetemidlalo e-KZN

Kucina nekubeketela kwaba tintfo letibekwa embili kuleMiklomelo Yetemidlalo yaKwaZulu Natal nga-2026, njengaloku sihlabani sethenisi yasetafuleni Sthabile Mnyandu agubha kuncoba kwekuphumelela lokwaba yinkhomba yekufezekiswa kweminyaka leminyenti yekutimisela.

Lomcimbi walemiklomelo bewubanjelwe lapha e-Inkosi Albert Luthuli International Convention Centre (eDurban ICC) eDurban kungasikudzala, kwahlonishwa ema-athilethiki kanye netilomo temdlalo letivela kuso sonkhe sifundza. Kuncoba kwaMnyandu kwagcama kwaba sikhumbuto lesinemandla semandla lachuba imphumelelo kutemidlalo.

Mnyandu wacokwa njengeWesifazane Wetemidlalo Wemnyaka Lonekukhubateka, inzuzo layichaze ngekutsi imtsintsa ngalokujulile kakhulu emoyeni ngemuva kweminyaka labesolo ayiphonya kancane nakakhuluma kulomcimbi wemiklomelo, unome mayelana nebumcoka bekugcina akutfolile lokuhlonishwa ngemuva kwekutsi ahlungwe tikhatsi letinyenti phambilini.

"Ligama lami like lenyulwa kuleminyaka lemitsatfu leyengcile kodvwa angizange ngizuze lutfo,” kwasho yena njalo Mnyandu. “Lomzuzu ungulokhetsekile sibili. Kunebantfu labanengi lekumele ngibabonge, kusukela ebhodini yavelonkhe yethenisi yasetafuleni, kuya phasi ethenisini lelitafula eKZN, ethenisini yelitafula eThekwini kanye nelicembu lami laseChesterville. Bonkhe badlale indzima lenkhulu emphilweni yami kuloku.

Loku kungavakala shengatsi kuyinzuzo yami, kodvwa kuyinzuzo yabo bonkhe labangesekele, lokufaka ekhatsi umndeni wami kanye nemcashi wami. Ngiyabonga kini.”

Ngesikhatsi aneminyaka lesitfupha nga-2002, imphilo yaMnyandu yagucuka ngalokungakalindzeleki ngesikhatsi ashiswa ngumlilo lohhehhako eNdwedwe, enyakatfo yeDurban. Lesehlakalo lesibuhlungu saholela ekutseni alaliswe esibhedlela sikhatsi lesidze solo elashwa, lokufaka ekhatsi kucaleka tinyanga letiyimfica, lokwalandzelwa kuphola lokwatsatsa sikhatsi lesidze nalobekubita.

Lomcimbi wahlanganisa ndzawonye ema-athilethi, baphatsi, kanye nemavolontiya lavela kulo lonkhe laKwaZulu-Natal, loku-gcamisa kukhula kweludvumo lwalesifundza njengenkhaba yetemdlalo lephuma embili.

Lisekela Lendvuna Yetemidlalo, Busiko Nemasiko, Peace Mabe, wahalalisela bonkhe labaphumelele kanye nalabo emagama abo lanyuliwe, wagcizelela kubaluleka kwelutjalomali lolusimeme ekutfutfukiseni temidlalo kanye netinkhundla tekuhlonipha.

"IKwaZulu-Natal yakhe imodeli yekuhlonipha nekutfutfukisa nyalo leseyikhombisa ekuphumeleleni kwema-athilethi ayo,” kwasho Lisekela Lendvuna Mabe. “Loku akusiyo intfo lemane yatentekela nje. Kungumphumela wekuhlela lokwentiwe ngemabomu, buholi besifundza kanye nelutjalomali lolusimeme kutemidlalo. Leli lizinga lokufanele kutsi lichubeke liciniswe kuto tonkhe tifundza.”

Wangeta futsi ngekutsi tinhlelo tekuhlonipha letifanana neKwaZulu-Natal Sports Awards tidlala indzima lemcoka ekuciniseni inhlalomphilo yetemidlalo nekwesekela kuchubekelembili kwema-athilethi. 

Leminye Imiklomelo Lenakekako:

Ngalobusuku kwaphindze futsi kwabungatwa labanengi labasebenta kakhle kakhulu:

• Indvodza Yetemdlalo Yemnyaka: Zakithi Nene
• Wesifazane Wetemdlalo Wemnyaka: Nonkululeko Mlaba
• Lomdvuna Losasemncane Wetemdlalo Wemnyaka: Connor Doig
• Wesifazane Losasemncane Wetemdlalo Wemnyaka: Mbali Diphoko
• Umceceshi Wemnyaka: Precious Mthembu